ჩვენ შესახებ

როგორც წესი, ყავისთვის დამახასიათებელია სიმწარე, რაც მისი მუქად მოხალვის შედეგადაა მიღებული. ყავის მუქად მოხალვა ხშირად იძულებითი ნაბიჯია მასში უსიამოვნო გემოების გადასაფარად.

სინამდვილეში, ყავა ხილია, რომელსაც სულაც არ უნდა ჰქონდეს მომწარო გემო. ყურძნის მარცვლის ფორმის სასიამოვნო, ნეიტრალურად ტკბილი ყავა ხეზე იზრდება და საუკეთესო შემთხვევაში შეიძლება, ჰქონდეს კენკრის, ალუბლის, ატმის ან ნებისმიერი სხვა ხილის არომატი.

2016 წელს გაჩნდა იდეა და, რაც მთავარია, უდიდესი სურვილი, რომ საქართველოშიც არსებულიყო ყველასათვის ხელმისაწვდომი, ტრადიციულისგან განსხვავებული, გამორჩეული გემოს მქონე ყავა. სწორედ ასე შეიქმნა “ყავის ლაბორატორიაც” – პირველი განსაკუთრებული თვისებების მქონე ყავის კომპანია საქართველოში, რომელიც ეფუძნებოდა მთავარ პრინციპს, რომ შეგვექმნა შესაძლო საუკეთესო ხარისხის, ყველასთვის ხელმისაწვდომი ყავა. 

იმ პერიოდში ეს იყო ყავის მიწოდების სრულიად ახალი ხედვა – საუკეთესო თვისებების მქონე მწვანე ყავის მარცვლის შერჩევა, იმპორტი, ადგილობრივი მოხალვა და ბოლოს, სხვადასხვა მეთოდებით მომზადება. ჩვენი გუნდისთვის ეს იყო ძალიან დიდი გამოწვევა, თუმცა ვაკეთებდით ყველაფერს ყავის შერჩევის, დამუშავებისა და მომზადების საუკეთესო გამოცდილების მისაღებად. 

დაარსებიდან დღემდე ძალისხმევას არ ვიშურებდით, რომ გამორჩეული ყავისა და მომსახურების ნაზავით თქვენი სიყვარული მოგვეპოვებინა. გვჯერა, რომ ჩვენთან, ყავის ლაბორატორიაში, იპოვით და ერთი გასინჯვით შეიყვარებთ გემოს, რომელიც ყველასგან გამოირჩევა.

ჩვენი სურვილია, ყავის დაგემოვნება ვაქციოთ დაუვიწყარ გამოცდილებად ჩვენს ბარში, პარტნიორ რესტორნებში, კაფეებსა თუ თქვენს სახლში.